Imran 
اردو ورلڈ کینیڈ ا ( ویب نیوز ) برطانوی خبر رساں ایجنسی (بی بی سی) کے مطابق تھائی لینڈ کے تاریخی ایوتھایا ہاتھی محل اور رائل کرال پارک میں ایک 36 سالہ ہاتھی نے جڑواں بچوں کو جنم دیا۔میڈیا رپورٹس میں کہا جا رہا ہے کہ جڑواں ایشیائی ہاتھیوں کی پیدائش انتہائی نایاب ہے اور پارک انتظامیہ نے اسے ایک معجزہ قرار دیا ہے۔انتظامیہ کے مطابق گزشتہ ہفتے جمعہ کو ہاتھی نے پہلے نر بچھڑے کو جنم دیا اور کچھ ہی دیر بعد ہاتھی نے دوسرے بچھڑے کو جنم دیا جو مادہ نکلا۔
تحقیق سے پتہ چلتا ہے کہ ہاتھی، انسانوں کی طرح، ایک دوسرے کو ناموں سے پکارتے ہیں۔انتظامیہ نے کہا کہ مادہ بچے کا وزن 60 کلو گرام ہے اور نر 55 کلو وزنی پیدا ہوئی ہے جس کا قد بھی تھوڑا چھوٹا ہے۔ایک تحقیقی تنظیم Save the Elephant کے مطابق، صرف ایک فیصد ہاتھیوں میں جڑواں بچے ہوتے ہیں، اور نر اور مادہ کی پیدائش اس سے بھی کم ہوتی ہے۔واضح رہے کہ تھائی لینڈ میں ہاتھیوں کو مقدس سمجھا جاتا ہے اور یہ ایک قومی علامت بھی ہیں۔
