گزشتہ روز پاکستان پیپلز پارٹی کے چیئرمین بلاول بھٹو زرداری نے ذوالفقار علی بھٹو کی پھانسی کے خلاف صدارتی ریفرنس کی سماعت براہ راست نشر کرنے کے لیے سپریم کورٹ میں درخواست دائر کی تھی۔

درخواست میں موقف اختیار کیا گیا کہ ذوالفقار علی بھٹو کے نواسے کی حیثیت سے انصاف کی درخواست کی، ذوالفقار علی بھٹو نے ہمیشہ قانون کی بالادستی کے لیے کردار ادا کیا، ان کا قتل نظام عدل پر داغ ہے۔

درخواست میں کہا گیا ہے کہ حقائق کو عوام کے سامنے رکھنے کے لیے کیس کا لائیو ٹیلی کاسٹ کرنا بہت ضروری ہے۔

یاد رہے کہ 2011 میں اس وقت کے صدر آصف علی زرداری نے ذوالفقار علی بھٹو کے عدالتی قتل سے متعلق ریفرنس دائر کیا تھا اور اس وقت کے چیف جسٹس افتخار محمد چوہدری نے دسمبر 2012 تک اس کیس کی 6 سماعتیں کیں تاہم کسی نے بھی اس کیس کی سماعت نہیں کی۔