حادثہ موٹروے پر M2-Blixar انٹرچینج کے قریب نجی کمپنی کی بس کا ٹائر پھٹنے  کے باعث پیش آیا ،  8 افراد جاں بحق اور 18 زخمی ہوگئے۔موٹروے پولیس کے ترجمان کے مطابق بس کا اگلا ٹائر پھٹنے کے بعد ڈرائیور بس پر قابو نہ رکھ سکا اور بس الٹ گئی۔ اطلاع ملتے ہی موٹروے پولیس موقع پر پہنچ گئی۔نجی کمپنی کی بس راولپنڈی سے لاہور جارہی تھی۔ریسکیو 1122 کے مطابق جاں بحق اور 18 زخمیوں کو ڈی ایچ کیو چکوال منتقل کر دیا گیا۔جاں بحق ہونے والوں میں 35 سالہ مسمات حبیبہ، 8 ماہ کی حیدر محسن، ایک نامعلوم ایک سالہ بچہ، 26 سالہ ام حبیبہ محسن، 14 سالہ خدیجہ خالق، 2 سالہ حرم خالق، 45 سالہ سردار ندیم اور 3 سالہ سردار ندیم شامل ہیں۔موٹروے پولیس اور ریسکیو سروسز نے موقع پر معمولی زخمی ہونے والوں کو ابتدائی طبی امداد فراہم کی اور امدادی کارروائیاں جاری ہیں۔