اردو ورلڈ کینیڈا ( ویب نیوز )فاریکس ایسوسی ایشن آف پاکستان کے مطابق گزشتہ روز 206 روپے پر بند ہونے والا ڈالر بدھ کی صبح 11 بجے کے قریب 1.25 روپے کمی کے ساتھ 204.75 روپے پر آگیا۔
فاریکس ایسوسی ایشن کے آخری سیشن کے اختتامی ریٹ میں اسٹیٹ بینک آف پاکستان سے 87 پیسے کا فرق ظاہر ہوتا ہے
ایکسچینج کمپنیز ایسوسی ایشن آف پاکستان کے جنرل سیکرٹری ظفر پراچہ نے ڈالر کی قدر میں کمی کی وجہ آئی ایم ایف کی جانب سے تقریبا 1 ارب روپے کی ابتدائی متوقع واحد قسط کے بجائے تقریبا 1.85 ارب ڈالر کی دو مشترکہ قسطوں کا اجرا کو قرار دیا ہے .
منگل کو پاکستان کو اپنے 6 بلین ڈالر قرض پروگرام کے مشترکہ ساتویں اور آٹھویں جائزے کے لیے آئی ایم ایف سے اقتصادی اور مالیاتی پالیسیوں کی یادداشت موصول ہوئی۔
اقتصادی اور مالیاتی پالیسیوں کی یادداشت میں کچھ احتیاطی تدابیر شامل ہیں جو پاکستان کے کیس کو مضبوط بنانے کے لیے آئی ایم ایف بورڈ کی منظوری کے لیے اور پھر فنڈز کی تقسیم سے قبل عمل درآمد کے لیے درکار ہوں گی۔
اقتصادی اور مالیاتی پالیسیوں کی یادداشت کے مطابق پاکستان کو جولائی کے آخر یا اگست کے آغاز تک دو مشترکہ اقساط کو محفوظ بنانے کے لیے مزید اقدامات کرنے ہوں گے۔
