روپے کے مقابلے ڈالر کی پیش قدمی جاری ہے اور امریکی کرنسی 208 روپے سے تجاوز کر گئی ہے جب کہ پاکستان اسٹاک مارکیٹ میں ایک بار پھر زبردست واپسی ہوئی ہے۔
انٹربینک مارکیٹ میں ڈالر تاریخی بلندی پر پہنچ گیا، امریکی کرنسی بھی 208 کی سطح عبور کرگئی، انٹربینک مارکیٹ میں ڈالر 58 پیسے مہنگا ہوگیا جس کے بعد 208 روپے 25 پیسے پر فروخت ہورہا ہے۔
دوسری جانب کرنسی ڈیلرز کے مطابق آئی ایم ایف کے ساتھ معاملات طے کرنے کی فوری ضرورت ہے۔ ملک کی موجودہ معاشی صورتحال قیاس آرائی کرنے والوں کے لیے بہت سود مند ہے، افواہیں گردش کر رہی تھیں جس کا بھرپور فائدہ اٹھایا گیا۔
پچھلے ہفتے بکیز کی جانب سے استعمال کی جانے والی افواہوں میں سے ایک یہ تھی کہ ملک میں مالیاتی ایمرجنسی کا اعلان کیا جا رہا ہے جس کے تحت ڈالر اکاؤنٹس، روشن ڈیجیٹل اکاؤنٹس اور محفوظ لاکرز کو منجمد کیا جا رہا ہے۔
ان افواہوں کی وزیر خزانہ مفتاح اسماعیل اور اسٹیٹ بینک نے بھی تردید کی لیکن جب تک قیاس آرائیاں ان افواہوں کو استعمال کرتی رہیں۔
