ishtiaq ahmed 
اردو ورلڈ کینیڈا ( ویب نیوز )وفاقی وزیر داخلہ رانا ثناء اللہ نے کہا ہے کہ کالعدم تحریک طالبان پاکستان سے مذاکرات مشاورت سے آگے بڑھائیں گے
پارلیمنٹ کی قومی سلامتی کمیٹی کا اجلاس وزیراعظم ہاؤس میں ہوا جس میں اہم امور پر غور کیا گیا۔ ملاقات میں پارلیمانی رہنماؤں کو سیکیورٹی صورتحال، قومی سلامتی اور امن و امان اور ہمسایہ ممالک کے ساتھ تعلقات پر بریفنگ دی گئی۔
اجلاس میں کالعدم تحریک طالبان پاکستان سے مذاکرات پر شرکاء کو اعتماد میں لیا گیاشرکاء کو افغانستان کی صورتحال پر بریفنگ دی گئی۔
قومی سلامتی کمیٹی کے اجلاس کے بعد میڈیا سے گفتگو کرتے ہوئے وفاقی وزیر اطلاعات مریم اورنگزیب کے ہمراہ نیوز کانفرنس کرتے ہوئے رانا ثناء اللہ کا کہنا تھا کہ قومی سلامتی کمیٹی کے اجلاس میں عسکری اور سیاسی قیادت موجود تھی۔
ان کا مزید کہنا تھا کہ گزشتہ دو تین روز سے عمران خان نیب ترامیم کی بات کر رہے ہیں۔ عمران خان نے خود کیسز کی تعداد 70 کردی۔
رانا ثناء اللہ نے کہا کہ معیز انٹرپرائز میں ان کے فرنٹ مین کا نام بھی سامنے آیا ہے۔ عمران خان نے برطانیہ سے آنے والی رقم کا کوئی جواب نہیں دیا۔ نجی ہاؤسنگ سوسائٹی سے 458 کنال اراضی حاصل کی گئی۔ القادر یونیورسٹی کو زمین کس کھاتے میں دی گئی؟ نجی ہاؤسنگ سوسائٹی کو 50 ارب کا فائدہ دیا گیا۔
وزیر داخلہ نے کہا کہ عمران خان اداروں کو گمراہ کرتے رہے، جو وہ ساڑھے تین سال سے ثابت نہیں کر سکے۔
انہوں نے کہا کہ شہباز شریف بھی انہی ووٹوں سے وزیراعظم بنے جن سے عمران آئے تھے۔ راجہ ریاض، نور عالم گزشتہ دو سال سے عمران خان پر تنقید کر رہے تھے، نیب ترامیم پر بیان دینے کی ناکام کوشش کر رہے تھے، انہوں نے کہا کہ ، 80 فیصد ترامیم پی ٹی آئی کی حکومت آرڈیننس میں ہی لاتی تھی
وزیر داخلہ نے کہا کہ عدالت نے کئی فیصلوں میں نیب کو کالا قانون قرار دیا۔ 90 روزہ ریمانڈ کے باوجود چالان قومی احتساب بیورو میں پیش نہیں کیا گیا۔ ہم اسے پہلے ہی قبول کر چکے ہیں۔ اور عدالت کی تجاویز بھی تھیں، کاروباری طبقے، بیوروکریٹس کو نیب رولز پر اعتراضات تھے، عدالت سے ضمانت مل چکی ہے، نیب خودمختار ادارہ ہے، چیئرمین نیب آئندہ ایک دو روز میں فیصلہ کریں گے،
