اردو ورلڈ کینیڈا ( ویب نیوز )میانمار میں مسلمان تارکین وطن کی کشتی ڈوب گئی جس کے نتیجے میں 17 افراد جاں بحق ہوگئے، کشتی میں 50 کے قریب افراد سوار تھے۔

غیر ملکی میڈیا کے مطابق متاثرہ کشتی کے ذریعے مسلمان میانمار کی متاثرہ ریاست رخائن میں مسلم کش فسادات کے باعث ملائیشیا اور انڈونیشیا میں داخل ہونے کی کوشش کرر ہے تھے۔

رپورٹ کے مطابق امدادی کاموں کے دوران 17 افراد کی لاشیں نکالی جا چکی ہیں جبکہ 8 افراد کو زندہ بچالیا گیا ہے۔
امکان ظاہر کیا جا رہا ہے کہ کشتی میں 50 سے زائد افراد سوار تھے، باقی افراد کی تلاش جاری ہے۔واضح رہے کہ 2017ء میں میانمار کے فوجی کریک ڈاؤن میں قتل، آتش زنی اور عصمت دری کے وسیع واقعات کے بعد تقریباً 2 لاکھ 75 ہزار روہنگیا مسلمان رخائن سے بنگلا دیش جانے پر مجبور ہوگئے تھے۔