اردو ورلڈ کینیڈا ( ویب نیوز ) لیبیا کے حکام نے کہا ہے کہ سیلاب زدگان کی مدد کے لیے جاتے ہوئے ٹریفک حادثے میں 4 یونانی رضاکاروں سمیت 7 افراد ہلاک ہو گئے۔

لیبیا کے مشرقی حصے میں حکمران جماعت کے وزیر صحت نے اپنے بیان میں کہا ہے کہ حادثے میں 4 یونانی رضاکار اور لیبیا کے خاندان کے 3 افراد بھی ہلاک ہوئے۔

یہ بھی پڑھیں

لیبیا میں سیلاب سے 11 ہزار افراد کے ہلاک ہونے کی تصدیق ، 10 ہزار سے زائد تاحال لاپتہ

لیبیا میں سیلاب سے 11 ہزار سے زائد افراد کے ہلاک ہونے کی تصدیق ہو چکی ہے اور 10 ہزار سے زائد تاحال لاپتہ ہیں۔وزیر صحت کے مطابق حادثے میں مزید 15 افراد زخمی بھی ہوئے، امدادی کارروائیاں شروع کردی گئی ہیں، زخمیوں کو طبی امداد کے لیے اسپتال منتقل کردیا گیا ہے۔وزیر صحت نے کہا کہ حادثے کی وجوہات جاننے کے لیے تحقیقات جاری ہیں۔واضح رہے کہ لیبیا میں 10 ستمبر کو آنے والے خطرناک طوفان کے بعد پیدا ہونے والی سیلابی صورتحال کے باعث ہزاروں افراد ہلاک اور زخمی ہو چکے ہیں اور لاکھوں افراد بے گھر ہو چکے ہیں۔