پاکستانی شہریوں کی ہلاکت پر ایران میں پاکستانی سفیر مدثر ٹیپو نے کہا کہ وہ ایران کے علاقے سراوان میں 9 پاکستانیوں کے ہولناک قتل سے شدید صدمے میں ہیں, اور سفارت خانہ سوگوار خاندانوں کو مکمل مدد فراہم کرے گا.
انہوں نے کہا کہ زاہدان میں پاکستانی قونصلر جنرل کے اہلکار جائے حادثہ او ر ہسپتال روانہ ہوگئے ہیں، ہم نے اس معاملے میں ایران سے مکمل تعاون کا مطالبہ کیا ہے.
دوسری جانب ایرانی میڈیا کے مطابق کسی عسکریت پسند گروپ نے اس واقعے کی ذمہ داری قبول نہیں کی. نامعلوم افراد نے سرکان کے نواحی علاقے سراوان میں ایک گھر میں گھس کر فائرنگ کی.
ایرانی میڈیا کے مطابق فائرنگ میں تین افراد زخمی بھی ہوئے، شہید پاکستانی ایران میں ایک ورکشاپ میں کام کرنے والے تھے.
ڈی پی او مظفر گڑھ سید حسنین حیدر نے کہا ہے کہ ایران میں شہید ہونے والے مزدوروں کی لاشوں کو پاکستان لانے کے لیے اقدامات کیے جا رہے ہیں.