اردو ورلڈ کینیڈا ( ویب نیوز ) امریکی تجارتی وفد نے 25-29 اگست کو طے شدہ بھارت کا دورہ منسوخ کر دیا ہے۔
امریکا اور بھارت کے درمیان تجارتی تنازع شدت اختیار کرنے لگا، امریکا نے اگست میں بھارت کے ساتھ طے شدہ تجارتی مذاکرات منسوخ کردیے۔بھارتی میڈیا کے مطابق امریکی تجارتی وفد نے 25 سے 29 اگست کو طے شدہ دورہ بھارت منسوخ کر دیا ہے جس کے بعد امریکہ بھارت تجارتی مذاکرات تعطل کا شکار ہو گئے ہیں۔یاد رہے کہ امریکا نے روس سے تیل خریدنے کے معاملے پر بھارت کو خبردار کرتے ہوئے اضافی ٹیرف کی دھمکی دی تھی۔امریکی دھمکی کے بعد بھی بھارت نے روس سے تیل کی خریداری روکنے کا کوئی اعلان نہیں کیا جس کے بعد امریکا نے بھارت پر 25 فیصد اضافی ٹیرف لگانے کا اعلان کیا۔ اضافی 25 فیصد ٹیرف کے بعد، بھارت پر امریکہ کا کل ٹیرف بڑھ کر 50 فیصد ہو گیا ہے۔ٹیرف کے حوالے سے وائٹ ہاؤس نے کہا کہ بھارت سے درآمد کی جانے والی اشیا پر اضافی ڈیوٹی عائد کرنا مناسب اور ضروری ہے کیونکہ بھارت روس سے بالواسطہ اور بالواسطہ طور پر تیل درآمد کر رہا ہے۔چند روز قبل امریکی وزیر خزانہ نے بھی خبردار کیا تھا کہ اگر ٹرمپ اور پوٹن کے درمیان مذاکرات ناکام ہوئے تو ہندوستان پر کل محصولات 50 فیصد سے تجاوز کر جائیں گے۔
