یہ اعلان سیکریٹری جنرل کے ترجمان نے نیویارک میں پریس بریفنگ کے دوران کیا۔ترجمان کے مطابق گزشتہ دس روز میں جاری بارشوں اور سیلاب نے بڑے پیمانے پر تباہی مچائی ہے۔ اب تک 400 سے زائد افراد جان کی بازی ہار چکے ہیں جبکہ 190 سے زیادہ زخمی ہیں۔ سیلاب اور لینڈ سلائیڈنگ کے باعث 20 ہزار سے زائد افراد بے گھر ہو چکے ہیں، جنہیں پناہ گاہوں، طبی امداد اور نقد معاونت کی فوری ضرورت ہے۔

اقوام متحدہ نے خبردار کیا ہے کہ متاثرہ علاقوں میں صاف پینے کے پانی، حفظانِ صحت کے سامان اور بالخصوص خواتین اور بچیوں کے تحفظ کے لیے ہنگامی اقدامات ناگزیر ہیں۔مقامی حکام کے مطابق حالیہ سیلابی صورتحال اور لینڈ سلائیڈنگ کے نتیجے میں مجموعی طور پر 798 افراد جاں بحق اور ایک ہزار سے زائد زخمی ہو چکے ہیں، جن میں بڑی تعداد خواتین اور بچوں کی ہے۔ترجمان نے عالمی برادری سے اپیل کی کہ وہ پاکستان کے ساتھ یکجہتی کا اظہار کرے اور متاثرہ آبادی کی بحالی میں عملی کردار ادا کرے۔ ان کا کہنا تھا کہ یو این ایجنسیز، شراکت دار ادارے اور مقامی حکام مل کر امدادی سرگرمیاں جاری رکھے ہوئے ہیں تاکہ متاثرہ خاندانوں کو فوری ریلیف پہنچایا جا سکے۔