اردوورلڈکینیڈا( ویب نیوز)مونٹریال انٹرنیشنل بلیک فلم فیسٹیول کا 21واں ایڈیشن بدھ کو تھیئٹر اوترمونٹ میں شروع ہو گیا جس میں 20 ممالک کی 70 فلمیں پیش کی جا رہی ہیں جن میں 40 کینیڈین پروڈکشنز شامل ہیں اس سال کا تھیم ناول سے فلم تک کے سفر اور اس فن کو خراج پیش کرتا ہے

فیسٹیول کی بانی اور صدر فیبیئن کولاس کا کہنا ہے کہ یہ فیسٹیول صرف فلموں تک محدود نہیں بلکہ اس میں مکالمے ورکشاپس ماسٹر کلاسز اور نیٹ ورکنگ کے مواقع شامل ہیں تاکہ فلم انڈسٹری سے وابستہ افراد ایک دوسرے سے جڑ سکیں اور عام ناظرین ایسی بلیک فلمیں دیکھ سکیں جو شاید انہیں کبھی دیکھنے کو نہ ملتیں

اس سال فیسٹیول میں مشہور مصنف دانی لافریئر کو خراج تحسین پیش کیا جا رہا ہے ان کے تاریخی ناول "ہاؤ ٹو میک لو ٹو اے نیگرو ود آؤٹ گیٹنگ ٹائرڈ” کی اشاعت کو 40 سال مکمل ہو گئے ہیں لافریئر کو اس موقع پر فیسٹیول کا لائف ٹائم اچیومنٹ ایوارڈ بھی دیا گیا

افتتاحی تقریب کے بعد نیا ڈاکوسٹا کی فلم "ہیڈا” کی کیوبیک پریمیئر اسکریننگ کی گئی جس میں بریڈ پٹ ایگزیکٹو پروڈیوسر اور ٹیسہ تھامپسن مرکزی کردار میں ہیں

مونٹریال اسکول آف پرفارمنگ آرٹس کی کاسٹنگ ڈائریکٹر جوسا مول نے کہا کہ ہمیں اپنے فنکاروں فلمسازوں اور مونٹریال کی فلمی تقریبات کو سپورٹ کرنا چاہیے تاکہ مقامی کہانیوں کو دنیا تک پہنچایا جا سکے