39
اردوورلڈکینیڈا( ویب نیوز)انسدادِ دہشت گردی عدالت نے جی ایچ کیو حملہ کیس میں تمام ملزمان کو آئندہ سماعت پر پیش ہونے کا حکم دیا۔
کیس کی سماعت خصوصی عدالت کے جج امجد علی شاہ نے کی، جہاں بانی پی ٹی آئی کی جیل حاضری روبکار کے ذریعے لگائی گئی۔
پولیس کے تین سب انسپکٹر، جو آج بطور گواہ طلب کیے گئے تھے، عدالت میں پیش نہ ہوئے۔ پولیس رپورٹ میں بتایا گیا کہ متعلقہ افسران کرکٹ اسٹیڈیم میں سیکیورٹی ڈیوٹی پر مامور ہیں، اس لیے وہ پیش نہیں ہوسکے۔
عدالت نے سماعت 5 نومبر تک ملتوی کرتے ہوئے ہدایت دی کہ اگلی سماعت اڈیالہ جیل میں ہوگی۔ عدالت نے گواہوں کو وہاں پیش ہونے کے نوٹس جاری کیے اور تمام ملزمان کو بھی اسی تاریخ کو جیل عدالت میں پیش ہونے کا حکم دیا۔سابق وزیرِ داخلہ شیخ رشید احمد عدالت میں حاضری کے بعد واپس روانہ ہوگئے۔
