اردوورلڈکینیڈا(ویب نیوز)مشہور ٹک ٹاکر علینہ عامر نے اپنی متنازعہ ڈیپ فیک ویڈیو بنانے اور اسے پھیلانے والوں کے خلاف ایف آئی آر درج کروائی ہے اور کہا ہے کہ وہ تمام افراد کو قانون کے مطابق جواب دہ بنائیں گی۔ دو ہفتے قبل وائرل ہونے والی اس ویڈیو میں کسی اور لڑکی کے چہرے کی جگہ علینہ عامر کا چہرہ اے آئی کے ذریعے لگا کر پھیلایا گیا تھا۔

ٹک ٹاکر نے اس معاملے پر ایک ویڈیو بھی ریکارڈ کرائی، جس میں انہوں نے بتایا کہ وہ اس موضوع پر خاموش رہنا چاہ رہی تھیں اور گزشتہ ایک ہفتے سے صرف صورتحال دیکھ رہی تھیں۔ تاہم جب انہیں متعدد پوسٹس میں اپنی ویڈیو لیک ہونے کی اطلاع ملی، تو انہوں نے فیصلہ کیا کہ ایسے اقدامات کرنے والوں کو قانونی طور پر جواب دینا ضروری ہے۔

TikToker #AlinaAmir has registered an FIR against those involved in creating her AI-generated deepfake video – She thanked CM @MaryamNSharif, @hinaparvezbutt and NCCIA for taking prompt action pic.twitter.com/tf5QWAeUWB

— Showbiz & News (@ShowbizAndNewz) February 9, 2026

علینہ عامر نے اپنی تازہ ویڈیو میں ایف آئی آر کا اسکرین شاٹ بھی شیئر کیا اور کہا کہ ان کا مقصد صرف یہ نہیں تھا کہ خاموش رہیں، بلکہ وہ اپنے حق کے لیے آواز بلند کریں۔ انہوں نے وضاحت کی کہ مقدمہ درج ہو چکا ہے اور وہ اس معاملے میں ہر ممکن قدم اٹھائیں گی تاکہ ذمہ دار افراد کو کیفر کردار تک پہنچایا جا سکے۔