(رپورٹ :محمد عامرصدیق )وزیراعظم Shehbaz Sharif آسٹریا کے چانسلر Christian Stocker کی دعوت پر دو روزہ سرکاری دورے کے لیے آسٹریا کے دارالحکومت Vienna پہنچ گئے۔ وزیراعظم اور ان کے ہمراہ موجود پاکستانی وفد کا Vienna International Airport پر پرتپاک استقبال کیا گیا، جبکہ آسٹرین مسلح افواج کے چاق و چوبند دستے نے وزیراعظم کو سلامی بھی پیش کی۔
وزیراعظم کے وفد میں نائب وزیراعظم اور وزیر خارجہ Ishaq Dar، وفاقی وزیر اطلاعات و نشریات Atta Tarar سمیت دیگر اعلیٰ حکام بھی شامل ہیں۔
دورے کے دوران وزیراعظم شہباز شریف اور آسٹرین چانسلر کے درمیان دو طرفہ تعلقات، اقتصادی تعاون اور باہمی دلچسپی کے امور پر تفصیلی بات چیت ہوگی۔ دونوں رہنما وفود کی سطح پر مذاکرات بھی کریں گے، جن میں تجارت، سرمایہ کاری اور اقتصادی روابط کو فروغ دینے پر خصوصی توجہ دی جائے گی۔
وزیراعظم اور آسٹرین چانسلر مشترکہ طور پر ایک اہم بزنس اجلاس کی صدارت بھی کریں گے، جس میں دونوں ممالک کے معروف سرمایہ کار اور کاروباری شخصیات شرکت کریں گی۔ اس اجلاس کا مقصد پاکستان اور آسٹریا کے درمیان سرمایہ کاری کے مواقع کو وسعت دینا اور کاروباری روابط کو مضبوط بنانا ہے۔ وزیراعظم اس موقع پر Austria Business Forum سے بھی خطاب کریں گے۔
اپنے دورہ ویانا کے دوران وزیراعظم شہباز شریف United Nations کے زیر اہتمام منعقدہ ایک خصوصی تقریب میں بھی شرکت کریں گے، جس کا موضوع پائیدار ترقی، عالمی امن اور خوشحالی ہے۔ اس تقریب میں وزیراعظم عالمی چیلنجز، ترقی اور امن کے حوالے سے پاکستان کا مؤقف پیش کریں گے۔
مزید برآں، وزیراعظم کی International Atomic Energy Agency کے ڈائریکٹر جنرل سے بھی ملاقات متوقع ہے، جس میں جوہری توانائی کے پرامن استعمال اور متعلقہ امور پر تبادلہ خیال کیا جائے گا۔
یہ دورہ پاکستان اور آسٹریا کے درمیان سفارتی، اقتصادی اور تجارتی تعلقات کو مزید مضبوط بنانے کی جانب ایک اہم پیش رفت قرار دیا جا رہا ہے۔
