اردو ورلڈ کینیڈا ( ویب نیوز ) آج ملک بھر میں 86 واں یوم پاکستان بھرپور جوش و جذبے کے ساتھ منایا جا رہا ہے۔ یوم پاکستان کے موقع پر ملک میں عام تعطیل ہے اور ہر صوبے اور شہر میں تقریباً یکساں جوش و خروش دیکھا جا رہا ہے۔
وفاقی دارالحکومت اسلام آباد میں دن کا آغاز 31 توپوں کی سلامی سے ہوا، جبکہ صوبائی دارالحکومتوں میں 21 توپوں کی سلامی دی گئی۔ مساجد میں ملک کی سلامتی، ترقی اور خوشحالی کے لیے دعائیں کی گئیں۔ اس موقع پر پاک فوج کے جوانوں نے بلند نعرے لگائے، جن میں "اللہ اکبر * او *”پاکستان زندہ با د* شامل تھے، اور افسران و جوانوں نے ملک کی سلامتی کے لیے خصوصی دعائیں بھی کیں۔اس سال، مشرق وسطیٰ کے کشیدہ حالات کے پیش نظر، یوم پاکستان کی تقریبات سادگی اور کفایت شعاری کے تحت منائی جا رہی ہیں۔ اس ضمن میں روایتی پریڈ منسوخ کر دی گئی جبکہ مرکزی پرچم کشائی کی تقریب بھی سادہ اور پروقار انداز میں منعقد کی گئی۔
یوم پاکستان کے موقع پر مزارِ اقبال پر گارڈز کی تبدیلی کی پروقار تقریب بھی منعقد ہوئی، جس میں پاک فضائیہ کے چاک و چوبند دستے نے شاندار مارچ پاسٹ پیش کیا۔ اس موقع پر پاک فضائیہ نے مزار کی سیکیورٹی کا چارج سنبھال لیا، جبکہ اس سے قبل یہ ذمہ داری ستلج رینجرز کے پاس تھی۔ تقریب نے یوم پاکستان کی اہمیت کو اجاگر کرتے ہوئے قومی جوش و جذبے کو مزید تقویت دی۔مہمانِ خصوصی ائیر وائس مارشل **محمد شاہد افضل**، ائیر آفیسر کمانڈنگ پی اے ایف ائیرمین اکیڈمی کورنگی کریک، نے مزارِ اقبال پر حاضری دی، پھولوں کی چادر چڑھائی اور فاتحہ خوانی کی۔ بعد ازاں انہوں نے مہمانوں کی کتاب میں اپنے تاثرات بھی قلمبند کیے۔وفاقی دارالحکومت کی طرح ملک کے دیگر حصوں میں بھی پرچم کشائی کی تقریبات سادگی اور کفایت شعاری کے ساتھ منعقد کی جا رہی ہیں۔
یوم پاکستان کی تاریخی اہمیت
یوم پاکستان پہلی با ر23 مارچ 195کو منایا گیا۔ قیام پاکستان کے بعد 1948 سے 1955 تک یہ دن معمول کے مطابق گزرتا رہا۔ قیام پاکستان کے سات سال بعد صدر اسکندر مرزا اور وزیراعظم چوہدری محمد علی کی قیادت میں 23 مارچ 1956 کو ملک کا نیا آئین نافذ کیا گیا۔ نیا آئین نافذ کرنا ایک بڑی کامیابی تھی، جس کی وجہ سے حکومت نے اسے یادگار دن قرار دیا اور فیصلہ کیا کہ اب ہر سال 23 مارچ کو سرکاری سطح پر یوم جمہوریہ یا یوم پاکستان کے طور پر منایا جائے گا۔
