اردوورلڈکینیڈا(ویب نیوز)وزیراعظم محمد شہباز شریف سے پاکستان پیپلز پارٹی کے چیئرمین بلاول بھٹو زرداری نے وفد کے ہمراہ ملاقات کی۔ حکومتی ذرائع کے مطابق ملاقات میں ملک کی مجموعی معاشی صورتحال، سکیورٹی چیلنجز اور دیگر اہم قومی امور پر تفصیلی تبادلہ خیال کیا گیا۔

ذرائع نے بتایا کہ بلاول بھٹو زرداری نے وزیراعظم کو کفایت شعاری کی پالیسی سے متعلق اپنی جماعت کی تجاویز پیش کیں، جس کا مقصد معاشی نظم و ضبط کو مزید مضبوط کرنا ہے۔

ملاقات کے دوران مشرق وسطیٰ میں جاری تنازع کے حل کے لیے پاکستان کی جانب سے کی جانے والی سفارتی کوششوں پر بھی بات چیت کی گئی، اور اس خطے میں امن قائم رکھنے کی اہمیت پر زور دیا گیا۔

آخر میں بلاول بھٹو زرداری نے مشکل حالات میں وزیراعظم کی قیادت اور حکومتی پالیسیوں کی تعریف کی اور کہا کہ ان کی رہنمائی میں ملک کو درپیش چیلنجز پر مؤثر اقدامات کیے جا رہے ہیں۔