اردوورلڈکینیڈا(ویب نیوز)وفاقی وزیر داخلہ محسن نقوی سے امریکی سفیر نیٹلی بیکر نے حال ہی میں ملاقات کی، جس میں مشرق وسطیٰ کی موجودہ کشیدہ صورتحال پر تفصیلی بات چیت کی گئی۔

ملاقات کے دوران جاری جنگ بندی کا خیرمقدم کیا گیا اور پاکستان کے مضبوط اور مثبت سفارتی کردار کی تعریف کی گئی۔

ملاقات میں اسلام آباد میں کل ہونے والے اعلیٰ سطح مذاکرات کے انتظامات پر بھی تبادلہ خیال کیا گیا۔ وفاقی وزیر داخلہ محسن نقوی نے بتایا کہ امریکی نائب صدر جے ڈی وینس، سٹیفوٹکوف اور کرشنرر ہمارے خصوصی مہمان ہوں گے اور تمام غیر ملکی مہمانوں کو ہر لحاظ سے فول پروف سکیورٹی فراہم کرنے کے لیے جامع منصوبہ تیار کیا گیا ہے۔

امریکی سفیر نیٹلی بیکر نے ملاقات کے دوران پاکستان کے مخلصانہ اور تعمیری کردار کو سراہا اور اسے خطے میں امن کے لیے اہم قرار دیا۔