اردو ولڈ کینیڈا ( ویب نیوز )سونے کی قیمتوں میں نمایاں کمی ریکارڈ کی گئی، جس کے بعد فی تولہ سونا 4 ہزار 900 روپے سستا ہو کر 5 لاکھ 1 ہزار 162 روپے کی سطح پر آ گیا

جبکہ فی 10 گرام سونے کی قیمت 4 ہزار 201 روپے کمی کے بعد 4 لاکھ 29 ہزار 665 روپے ہو گئی۔عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 49 ڈالر سستا ہو کر 4 ہزار 788 ڈالر تک آ گیا۔ ماہرین کے مطابق اس کمی کی وجوہات میں روس اور یوکرین کے درمیان جاری جنگی اخراجات، ترکیہ کی جانب سے مالی دباؤ کم کرنے کے لیے سونے کے ذخائر کی فروخت، اور امریکا و ایران کے درمیان مذاکرات کے باوجود خطے میں کشیدگی شامل ہیں۔
دوسری جانب چاندی کی عالمی قیمت میں اضافہ دیکھنے میں آیا، فی اونس چاندی 1 ڈالر 45 سینٹس مہنگی ہو کر 79 ڈالر 33 سینٹس تک پہنچ گئی، تاہم مقامی مارکیٹ میں چاندی کی قیمتوں میں کمی ہوئی۔ فی تولہ چاندی 145 روپے سستی ہو کر 8 ہزار 417 روپے جبکہ 10 گرام چاندی 124 روپے کمی کے بعد 7 ہزار 216 روپے کی سطح پر آ گئی