اردوورلڈکینیڈا(ویب نیوز)پاکستان کے معروف مزاحیہ اور اسٹیج فنکار اللہ رکھا، جو اپنے اسٹیج نام پیپسی اور پانی پوری سے شہرت رکھتے تھے، 50 برس کی عمر میں انتقال کر گئے۔

اداکار اور میزبان Mohsin Abbas Haider نے سماجی رابطے کی ویب سائٹ انسٹاگرام پر ایک پیغام میں بتایا کہ اللہ رکھا کو ریکارڈنگ کے دوران دل کا دورہ پڑا، جو جان لیوا ثابت ہوا۔ ان کی نمازِ جنازہ کے وقت اور مقام کا تاحال اعلان نہیں کیا گیا۔

اللہ رکھا پیپسی اپنی ون مین مزاحیہ پیشکشوں، اسٹیج ڈراموں اور پیروڈی اداکاری کی بدولت شائقین میں بے حد مقبول تھے۔

انہوں نے Michael Jackson کی منفرد انداز میں نقل کر کے غیر معمولی شہرت حاصل کی، جس کے باعث مداح انہیں محبت سے پاکستان کا مائیکل جیکسن بھی کہا کرتے تھے۔اللہ رکھا کے اچانک انتقال کی خبر سے ساتھی فنکار، مداح اور شوبز صنعت گہرے رنج و غم میں مبتلا ہیں۔