اردو ورلڈ کینیڈا ( ویب نیوز ) فیفا فٹبال ورلڈ کپ 2026 کے پہلے سیمی فائنل میں اسپین نے شاندار کھیل کا مظاہرہ کرتے ہوئے فرانس کو 0-2 سے شکست دے کر 16 برس بعد میگا ایونٹ کے فائنل کے لیے کوالیفائی کر لیا۔
ڈیلس اسٹیڈیم میں کھیلے گئے سنسنی خیز مقابلے میں اسپین نے آغاز ہی سے جارحانہ حکمت عملی اپنائی اور فرانس کی دفاعی لائن پر مسلسل دباؤ برقرار رکھا۔ پہلے ہاف کے 22ویں منٹ میں میکیل اویارزابال نے پنالٹی کک پر گیند کو جال کی راہ دکھاتے ہوئے اسپین کو برتری دلائی۔ یہ رواں ورلڈ کپ میں ان کا پانچواں گول بھی تھا۔
دوسرے ہاف میں بھی اسپین نے عمدہ کارکردگی کا سلسلہ جاری رکھا اور ایک اور گول اسکور کرکے اپنی برتری کو دگنا کر دیا، جبکہ فرانس کی ٹیم میچ میں واپسی کی تمام کوششوں کے باوجود کوئی گول کرنے میں ناکام رہی۔
اس کامیابی کے ساتھ اسپین نے 16 سال بعد ورلڈ کپ کے فائنل میں رسائی حاصل کر لی، جہاں اس کا مقابلہ دوسرے سیمی فائنل کی فاتح ٹیم سے ہوگا۔ دوسری جانب فرانس کی ٹیم ٹورنامنٹ سے باہر ہوگئی اور اب تیسرے نمبر کے میچ میں شرکت کرے گی۔اسپین کی منظم دفاعی حکمت عملی، مؤثر مڈفیلڈ اور جارحانہ کھیل نے اسے میچ میں واضح برتری دلائی، جبکہ فرانس کو متعدد مواقع ملنے کے باوجود کامیابی نہ مل سکی۔
