9
اردوورلڈکینیڈا(ویب نیوز)گلگت بلتستان اسمبلی نے گلگت بلتستان کو عبوری صوبائی حیثیت دینے سے متعلق مشترکہ قرارداد متفقہ طور پر منظور کر لی۔
قرارداد میں وفاقی حکومت سے مطالبہ کیا گیا ہے کہ آئینی ترمیم کے ذریعے گلگت بلتستان کو عبوری صوبہ بنایا جائے اور اسے پاکستان کے دیگر صوبوں کے مساوی آئینی، سیاسی اور جمہوری حقوق فراہم کیے جائیں، جبکہ قومی سطح پر مؤثر نمائندگی بھی دی جائے۔
دوسری جانب اسمبلی نے پاک فوج سے اظہارِ یکجہتی کی قرارداد بھی منظور کی، جس میں فوج مخالف بیانات کی شدید الفاظ میں مذمت کی گئی۔
قرارداد میں پاک فوج اور شہداء کی قربانیوں کو زبردست خراجِ تحسین پیش کرتے ہوئے ملکی دفاع اور سلامتی کے لیے ان کی خدمات کو سراہا گیا۔
