اردو ورلڈ کینیڈا ( ویب نیو ز) دنیا کے امیر ترین کاروباری افراد میں شمار ہونے والے ایلون مسک کی ایک نئی پیش گوئی نے عالمی سطح پر معاشی اور ٹیکنالوجی کے مستقبل سے متعلق بحث چھیڑ دی ہے۔
ایلون مسک
ایلون مسک کا کہنا ہے کہ مصنوعی ذہانت اور انسان نما روبوٹس کی تیز رفتار ترقی دنیا کو ایسی غیر معمولی فراوانی کی طرف لے جاسکتی ہے جہاں اشیا اور خدمات کی قلت تقریباً ختم ہوجائے گی اور 2036 تک پیسے کی موجودہ اہمیت بھی بہت کم ہوسکتی ہے۔
یہ بھی پڑھیں :
لینگلے میں ایلون مسک کی ٹیسلا کمپنی کے خلاف احتجاج
مسک کے اس مؤقف پر ماہرین معاشیات نے سوالات اٹھائے ہیں۔ ایک نوبیل انعام یافتہ ماہر معاشیات نے تو انہیں چیلنج دے دیا ہے کہ اگر واقعی مستقبل میں پیسے اور دولت کی اہمیت ختم ہوجائے گی تو انہیں اپنی موجودہ دولت خیرات کردینی چاہیے۔ اس چیلنج کے جواب میں ایلون مسک نے ایسا ردعمل دیا جس نے معاملے کو مزید دلچسپ بنا دیا۔
مصنوعی ذہانت اور روبوٹس سے بے مثال فراوانی کا دعویٰ
ایلون مسک کے مطابق دنیا آئندہ ایک دہائی کے دوران ایسی معاشی تبدیلی دیکھ سکتی ہے جس کا آج تصور کرنا بھی مشکل ہے۔ ان کا کہنا ہے کہ مصنوعی ذہانت اور ہیومنائیڈ روبوٹس انسانوں کی موجودہ صلاحیت سے کہیں زیادہ اشیا اور خدمات پیدا کرنے کے قابل ہوجائیں گے۔
روبوٹس
مسک کے نظریے کے مطابق اگر روبوٹس بڑی تعداد میں کام کرنے لگیں اور مصنوعی ذہانت پیداوار کے مختلف شعبوں کو انتہائی تیز اور مؤثر بنادے تو خوراک سے لے کر رہائش اور ٹرانسپورٹ تک بنیادی ضروریات وافر مقدار میں دستیاب ہوسکتی ہیں۔ ایسی صورتحال میں محدود وسائل کے حصول کے لیے پیسے کی ضرورت موجودہ دور کی طرح نہیں رہے گی۔
یہ بھی پڑھیں :
ایلون مسک کو نئی سیاسی جماعت بنانے کا فیصلہ مہنگا پڑ گیا
انہوں نے اسی تصور کی بنیاد پر کہا ہے کہ 2036 تک دنیا ناقابل یقین فراوانی کے دور میں داخل ہوسکتی ہے۔
