160
اردو ورلڈ کینیڈا ( ویب نیوز )پی آئی اے اندرون ملک کرایوں میں نمایاں کمی کے بعد پی آئی اے نے بین الاقوامی روٹس پر بھی کرایوں میں کمی کر دی ہے۔
ترجمان قومی ایئرلائن کے مطابق وزیر ہوابازی خواجہ سعد رفیق کی خصوصی ہدایات پر پی آئی اے نے کینیڈا کی پروازوں میں 8 فیصد، خلیجی اور متحدہ عرب امارات کے روٹس میں 15 فیصد نمایاں کمی کی ہے جب کہ سعودی عرب کے روٹس میں 15 فیصد کمی کی گئی ہے۔
اس حوالے سے ترجمان پی آئی اے کا کہنا ہے کہ کرایوں میں کمی کا اطلاق فوری طور پر ہوگا۔
ائر لائن اور ریلوے کے کرائے تو کم ہوئے ہیں تاہم ٹرانسپورٹ کے کرایوں میں کوئی کمی نہیں کی گئی جس کے باعث عوام کو مشکلات کا سامنا کرنا پڑ رہا ہے ۔
