وفاقی وزیر داخلہ رانا ثنا اللہ کا کہنا ہے کہ میرا پنجاب میں داخلہ روکا گیا تو یہ گورنر راج کا آغاز ہوگا۔
وفاقی وزیر داخلہ اسلام آباد میں پریس کانفرنس کرتے ہوئے رانا ثنا اللہ نے کہا کہ سپریم کورٹ کے فیصلے سے سیاسی صورتحال مزید خراب ہوئی ہے۔
ان کا مزید کہنا تھا کہ جسٹس قاضی فائز عیسی کے خط کے مندرجات تشویشناک ہیں اگر معتبر اداروں میں ایسا ماحول رہا تو ہم تباہی کے دہانے پر ہیں۔
ایک سوال کے جواب میں وزیر داخلہ نے کہا کہ میرا پنجاب میں داخلہ بند ہونے کی افواہیں ہیں لیکن اگر میرا پنجاب میں داخلہ بند ہو جائے تو گورنر راج کے نفاذ کے لیے یہ جواز کافی ہے
ایک اور سوال کے جواب میں وزیر داخلہ رانا ثنا اللہ نے کہا کہ تحریک عدم اعتماد کی کامیابی کے بعد ن لیگ نے انتخابات میں جانے کا فیصلہ کیا تھا تاہم اتحادیوں سے مشاورت کے بعد حکومت کرنے کا مشکل فیصلہ کیا۔
رانا ثنا اللہ نے کہا کہ نواز شریف وطن واپس آکر مسلم لیگ ن کی انتخابی مہم چلائیں گے۔
