اردو ورلڈ کینیڈا ( ویب نیوز)حکومت مزید مشکل فیصلے کرنے کو تیار، آئی ایم ایف کی شرائط ماننے کے لیے بجلی اور گیس مزید مہنگی ہو جائے گی۔
تفصیلات کے مطابق ذرائع کا کہنا ہے کہ بجلی اور گیس مزید مہنگی، اخراجات میں کمی اور ٹیکسوں میں اضافہ کیا جائے گا۔ فیول ایڈجسٹمنٹ کے فیصلوں پر بلاتاخیر عملدرآمد کیا جائے گا۔
ذرائع کے مطابق حکومت گورننس کی بہتری کے لیے اقدامات کرے گی، صوبائی اینٹی کرپشن محکموں کو مزید موثر بنایا جائے گا، حکومت بجٹ میں مختص سبسڈی ہی استعمال کرے گی۔
اکتوبر میں بجلی کی قیمت میں مزید 91 پیسے فی یونٹ اضافہ کیا جائے گا، پیٹرولیم لیوی مرحلہ وار 50 روپے فی لیٹر تک بڑھایا جائے گا۔ ذرائع کا کہنا ہے کہ آئی ایم ایف بورڈ کا اجلاس کل ہوگا جس میں پاکستان کے لیے ایک ارب 180 ملین ڈالر قرض کی منظوری کا جائزہ لیا جائے گا، آئی ایم ایف پاکستان کے ساتویں اور آٹھویں جائزے پر غور کرے گا۔
پاکستان نے آئی ایم ایف کی پیشگی شرائط پر عمل کیا، آئی ایم ایف کو مزید اقدامات کی یقین دہانی کرائی گئی ہے۔
