اردو ورلڈ کینیڈا ( ویب نیوز)پاکستان کرکٹ ٹیم کے نائب کپتان شاداب خان نے انگلینڈ کے خلاف ٹی ٹوئنٹی انٹرنیشنل سیریز سے قبل طبیعت ناساز محسوس ہونے پر ٹیم کا پہلا پریکٹس سیشن چھوڑ دیا ۔
پریکٹس سیشن شروع ہوتے ہی شاداب خان دیگر ساتھیوں کے ساتھ گراؤنڈ پر پہنچے۔ انہوں نے مختصر وقت کے لیے باؤلنگ کی مشق کی جس کے بعد اسٹریچنگ کی۔
بعد ازاں انہیں ٹیم کے معالج ڈاکٹر نجیب اللہ کے پاس کھڑا دیکھا گیا۔ کچھ دیر بعد شاداب کو اپنے بیٹنگ گیئر کو پیک کرتے دیکھا گیا۔
وہ واپس ڈریسنگ روم کی طرف بڑھ گئے
اس کے علاوہ وکٹ کیپر بلے باز محمد رضوان نے تربیتی کیمپ میں شرکت نہیں کی
دوسری جانب ٹیم کے باؤلنگ کوچ شان ٹیٹ کی طبیعت ٹھیک نہ ہونے کی وجہ سے وہ بھی ٹریننگ سیشن سے باہر ہو گئے۔
پی سی بی کے میڈیا مینیجر نے کہا، "رضوان نے آج آرام کیا جبکہ شان دستیاب نہیں ہوں گے کیونکہ وہ بیمار محسوس کر رہے تھے۔”
ادھر انگلینڈ کے اسسٹنٹ کوچ رچرڈ ڈاسن انگلینڈ کے تربیتی سیشن کے دوران کولہے کی انجری کا شکار ہو گئے۔
