اردو ورلڈ کینیڈا ( ویب نیوز)رانا ثناء اللہ نے عمران خان کو خبردار کر دیا۔ انہوں نے کہا کہ عمران خان لانگ مارچ لیکر آئے تو الٹا لٹکا دیں گے
وزیرداخلہ نے کہا کہ لانگ مارچ آیا تو اسلام آباد کو محفوظ بنانا ہماری ذمہ داری ہوگی
وفاقی وزیر داخلہ رانا ثناء اللہ خان نے جمعرات کو خبردار کیا کہ چیئرمین پی ٹی آئی عمران خان نے اسلام آباد میں لانگ مارچ کیا تو حکومت الٹا لٹکائے گی۔
انہوں نے نجی ٹی وی پروگرام میں بات کرتے ہوئے کہا، "عمران خان کو نہیں معلوم کہ حکومت اس بار ان کے ساتھ کیا کرنے کی منصوبہ بندی کر رہی ہے ۔ ”
وفاقی وزیر نے زور دے کر کہا کہ حکومت چارجڈ ہجوم کے سامنے کسی کی جان کی حفاظت کی ضمانت نہیں دے سکتی۔ "جب ایک مسلح اور چارجڈ ہجوم وفاقی دارالحکومت پر حملہ کرے گا تو حکومت کسی کی جان کی حفاظت کی ضمانت کیسے دے سکے گی؟
انہوں نے خبردار کیا کہ ہجوم میں سے کوئی کچھ بھی کر سکتا ہے، جس سے پولیس کی طرف سے ردعمل سامنے آئے گا۔
وفاقی وزیر نے کہا کہ حکومت نے پی ٹی آئی کے لانگ مارچ سے نمٹنے کی حکمت عملی ظاہر نہیں کی۔
آڈیو لیکس کے حوالے سے پوچھے گئے سوال کے جواب میں انہوں نے کہا کہ اس معاملے میں کوئی حکومتی ادارہ ملوث نہیں ہے۔ یہ ایک ایسا فرد ہے جس نے فون کو ہیک کرکے یا میز پر کچھ رکھ کر ریکارڈنگ کی۔
