ا ردو ورلڈ کینیڈا ( ویب نیوز ) کینیڈا کی حکومت کم از کم 40,000 افغان شہریوں کو جلد از جلد دوبارہ آباد کرنے کے لیے سخت محنت جاری رکھے گی۔ حکومت اس کام کو جلد از جلد انجام دینا چاہتی ہے۔ اب تک 22,581 افغان شہری کینیڈا پہنچ چکے ہیں۔
آج امیگریشن کے وزیر شان فریزر نے پاکستان سے چارٹر فلائٹ سے ہیلی فیکس پہنچنے والے 311 افغان شہریوں کا استقبال کیا۔ اس پرواز میں حکومت کے زیر کفالت مہاجرین، نجی طور پر سپانسر شدہ مہاجرین اور کینیڈین حکومت کے لیے کام کرنے والے افغانوں کے خاندان کے افراد سوار تھے۔ آج پہنچنے والے افغانی اراکین پورے کینیڈا میں 20 کمیونٹیز میں آباد ہوں گے، جن میں ٹورنٹو (اونٹاریو)، فریڈریکٹن اور سینٹ جان (نیو برنسوک) شامل ہیں۔
40,000 افغان شہریوں کی کینیڈا میں آباد کاری ایک انتہائی پیچیدہ اقدام ہے جس کے لیے حکومت پوری کوشش کر رہی ہے۔ اس کے علاوہ مضبوط ملکی اور بین الاقوامی شراکت داری کی بھی ضرورت ہے۔ یہ کوشش صوبوں اور علاقہ جات، آباد کاری کی خدمات فراہم کرنے والے اور افغان مہاجرین کی سرپرستی کرنے والے کینیڈین کی مدد سے مکمل کی جا رہی ہے۔
اس موقع پر شان فریزر نے کہا کہ ہمارے پاس پاکستان سمیت اہم بین الاقوامی شراکت دار ہیں، بین الاقوامی تنظیمیں جیسے کہ انٹرنیشنل آرگنائزیشن فار مائیگریشن، یو این ریفیوجی ایجنسی (UNHCR)، فرنٹ لائن ڈیفنڈرز اور ProtectDefenders.eu۔ ہم ان کی مدد کے لیے ان کے بھی شکر گزار ہیں۔
213
