اردو ورلڈ کینیڈا ( ویب نیوز )شاہین آفریدی کی چار وکٹوں کی بدولت پاکستان نے یڈیلیڈ میں بنگلہ دیش کو پانچ وکٹوں سے شکست دے کر آئی سی سی ٹی ٹوئنٹی ورلڈ کپ کے سیمی فائنل میں جگہ بنالی۔
اس سے پہلے پاکستان کے سیمی فائنل میں پہنچنے کے امکان بہت کم نظر آرہے تھے تاہم نید ر لینڈ سے جنوبی افریقہ کو اپ سیٹ شکست کے بعد پاکستان کو فائنل فور میں جگہ بنانے کیلئے بنگلہ دیش کو ہرانا ضروری تھا
جو شاہینوں نے کر دکھایا
بنگلہ دیش نے پہلے کھیلتے ہوئے 127رنز بنائے اور اسکے آٹھ کھلاڑی آئوٹ ہوئے
جواب میں پاکستان نے مطلوبہ ہدف حاصل کر کے سیمی فائنل کیلئے کوالیفائی کرلیا
شاہین آفریدی نے 22رنز دے کر چار کھلاڑیوں کو آئو ٹ کیا
پاکستان کی اوپننگ جوڑی نے ابتدائی وکٹ کے لیے 57 رنز بنائے تھے اور ایسا لگتا تھا کہ وہ پاکستان کو ایک آسان فتح کی طرف گامزن کریں گے تاہم وکٹیں گرنے کے بعد تھوڑی مشکل ضرورہوئی لیکن پاکستان نے مطلوبہ ہدف حاصل کرلیا
