اردو ورلڈ کینیڈا ( ویب نیوز )وفاقی وزیر داخلہ رانا ثناء اللہ نے کہا کہ وہ صحت کے چند معمولی چیک اپ کے بعد صحت یابی کی راہ پر گامزن ہیں۔

وزارت داخلہ کے مطابق وزیر داخلہ کو معمول کے طریقہ کار اور صحت کی جانچ کے لیے راولپنڈی میں آرمڈ فورسز انسٹی ٹیوٹ آف کارڈیالوجی جسے نیشنل انسٹی ٹیوٹ آف ہارٹ ڈیزیز (NIHD) بھی کہا جاتا ہے میں داخل کرایا گیا۔

وز یر داخلہ نے ایک یک آڈیو پیغام میں کہا جو میری صحت کے بارے میں فکر مند ہیں ان کیلئے اطلاع ہے کہ میں بالکل ٹھیک ہوں

"میری دل کی سرجری تقریباً 20 سال پہلے 2004 میں ہوئی تھی۔ میرے جیسے مریضوں کے لیے ہر دو سے تین سال بعد کچھ معمولی طریقہ کار اور ایک جنرل چیک اپ ضروری ہے۔”

انہوں نے ڈاکٹروں کی بھی تعریف کرتے ہوئے کہا کہ ان کے معالجین نے ان کا چیک اپ جدید ترین انداز میں کیا۔ انہوں نے کہا کہ انہوں نے ایک معمولی طریقہ کار بھی انجام دیا جسے انہوں نے ضروری سمجھا۔

انہوں نے کہا کہ وہ راولپنڈی میں اے ایف آئی سی میں طریقہ کار کے بعد صحت یاب ہو رہے ہیں اور ایک یا دو دن میں واپس آجائیں گے