اردو ورلڈ کینیڈا ( ویب نیوز) ترکیہ کے شہر وسطی استنبول میں ایک مصروف پیدل چلنے والی گلی میں دھماکہ ہوا جس میں چارافراد ہلاک ،38 زخمی ورگئغ
پولیس نے فوری طور پر علاقے کو گھیرے میں لے لیا۔ ترکی کے سب سے بڑے شہر کے ضلع بیوگلو میں واقع یہ علاقہ خریداروں، سیاحوں اور خاندانوں سے بھرا ہوا تھا۔
سرکاری نشریاتی ادارے ٹی آر ٹی اور سرکاری انادولو ایجنسی نے کہا کہ دھماکے کی وجہ ابھی تک معلوم نہیں ہو سکی ہے۔
استنبول کے گورنر علی یرلیکایا نے ٹویٹر پر کہا، "ابتدائی اطلاعات کے مطابق چار افراد ہلاک اور 38 دیگر زخمی ہوئے،” انہوں نے مزید کہا کہ دھماکہ مقامی وقت کے مطابق شام 4.20 بجے (1320 GMT) کے قریب ہوا۔
استنبول کے چیف پبلک پراسیکیوٹر کے دفتر نے دھماکے کی تحقیقات شروع کر دی ہیں۔
ترک ہلال احمر نے کہا کہ خون کو قریبی ہسپتالوں میں منتقل کیا جا رہا ہے۔
وزیراعظم شہباز شریف ،عمران خان اور دیگر نے جانی نقصان پر ترکی کے عوام سے تعزیت کی۔
