اردو ورلڈ کینیڈا ( ویب نیوز) سپہ سالار کی تقرری پرحکمران گھبرائے ہوئے ہیں پاکستان تحریک انصافکے چیئرمین اور سابق وزیراعظم عمران خان نے موجودہ حکومت پر برستے ہوئے کہا ہے کہ حکمران آرمی چیف کی تقرری سے گھبراہٹ کا شکار ہیں۔
پی ٹی آئی کے سربراہ کا کہنا تھا کہ عثمان بزدار کو وزیراعلیٰ پنجاب کے عہدے سے نہ ہٹانے پر اسٹیبلشمنٹ سے اختلافات تھے، انہوں نے مزید کہا کہ اسٹیبلشمنٹ اور حکومت ایک پیج پر ہیں۔ خارجہ پالیسی کے معاملات پر پی ٹی آئی کے سربراہ نے کہا کہ اختلافات روس سے ان کی واپسی کے بعد ہوئے۔
وزیر آباد میں ان پر قاتلانہ حملے کے بارے میں بات کرتے ہوئے عمران خان نے کہا کہ انہیں یقین ہے کہ انہیں کسی سنائپر نے گولی ماری ہے، انہوں نے مزید کہا کہ متعدد حملہ آور تھے۔ سابق وزیراعظم نے مزید کہا کہ جے آئی ٹی نے معاملے کی تحقیقات شروع کر دی ہیں، انہوں نے مزید کہا کہ ایف آئی آر درج نہ ہونے کے ذمہ دار وزیراعلیٰ پنجاب چوہدری پرویز الٰہی نہیں ہیں۔
ملکی معیشت پر اپنی رائے دیتے ہوئے عمران نے کہا کہ پاکستان کے ڈیفالٹ ہونے کا خدشہ بڑھ گیا
دوسری جانب پی ٹی آئی کے چیئرمین عمران خان نے بیرون ملک مقیم پاکستانیوں سے اپیل کی ہے کہ وہ ‘حقیقی آزادی تحریک کے لیے فنڈز فراہم کریں۔
ٹویٹر پر پی ٹی آئی کی پوسٹ میں پی ٹی آئی لانگ مارچ کے لیے فنڈنگ کا تذکرہ کیا گیا عمران کا ویڈیو پیغام بھی شیئر کیاگیا ہے
