اردو ورلڈ کینیڈا ( ویب نیوز)وزیراعظم شہباز شریف میرٹ پر آرمی چیف تعینات کریں گے، رانا ثناء اللہ نے کہاکہ عمران خان آرمی چیف کی تقرری کو متنازعہ بنانے کی کوشش کر رہے ہیں۔

نئے آرمی چیف کی تقرری کا عمل شروع کردیا گیا ہے، وزیراعظم میرٹ کو مدنظر رکھیں گے۔ انہوں نے الزام لگایا کہ پاکستان تحریک انصاف (پی ٹی آئی) کے چیئرمین عمران خان آرمی چیف کی تقرری کو متنازعہ بنانے کی کوشش کر رہے ہیں۔

رانا ثناء اللہ نے کہا کہ عمران خان لانگ مارچ کے ذریعے ملک میں انتشار پھیلا رہے ہیں۔ انہوں نے کہا کہ پی ٹی آئی چیئرمین اداروں میں دراڑیں ڈالنے کی بھرپور کوششیں کر رہے ہیں۔ تاہم وہ اپنے مقاصدمیں کامیاب نہیں ہوں گے
انہوں نے یقین دلایا کہ نواز شریف پاکستان میں آئندہ عام انتخابات جیتنے کی مہم کی قیادت کریں گے۔