اردو ولڈ کینیڈا ( ویب نیوز)قومی احتساب بیورو (نیب) نے نیب ایکٹ میں ترامیم کے بعد وزیراعظم شہباز شریف کے خلاف دو مقدمات کی تحقیقات بند کرنے کی منظوری دے دی۔

نیب ایگزیکٹو بورڈ کی سفارشات میں کہا گیا ہے کہ تین سال کی تحقیقات کے باوجود کرپشن کا کوئی ثبوت نہیں ملا جس کے بعد چیئرمین نیب آفتاب سلطان نے تحقیقات بند کرنے کی منظوری دی۔

چیئرمین نیب نے سرکاری اراضی کی منتقلی کا معاملہ بورڈ آف ریونیو کے سینئر ممبر کو بھیجنے کی ہدایت کی ہے جب کہ قانون میں ترمیم کے بعد پنجاب ریونیو اتھارٹی سرکاری اراضی کی منتقلی کی تحقیقات کرے گی۔

یہاں یہ امر قابل ذکر ہے کہ نیب نے 2019 میں بہاولپور میں 14400 کنال سرکاری اراضی کی منتقلی کی تحقیقات شروع کی تھیں۔ نیب ملتان نے سابق وزیراعلیٰ پنجاب شہباز شریف کو سوالنامہ اور طلبی کا نوٹس بھجوا دیا۔