اردو ورلڈ کینیڈ ا( ویب نیوز ) محکمہ موسمیات نے کہا ہے کہ پنجاب کے میدانی علاقوں اور بالائی سندھ میں آئندہ 24 گھنٹوں کے دوران رات اور صبح کے اوقات میں شدید دھند پڑنے کا امکان ہے۔
ملک کے بیشتر حصوں میں گزشتہ روزبھی دھند چھائی رہی ، ملک کئی علاقوں میں دھند کے باوجود موسم سرد اور خشک رہے گا۔

پنجاب، کے پی کے کچھ حصوں میں دھند ،ٹریفک روانی متاثر

گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا جب کہ گلگت بلتستان اور شمالی بلوچستان میں رات اور صبح کے اوقات میں شدید سرد ی پڑ رہی ہے
سب سے کم درجہ حرارت لیہہ -11، کالام -05، قلات، سکردو -04، گوپس اور راولاکوٹ -03 ڈگری سینٹی گریڈ ریکارڈ کیا گیا۔
بارشیں نہ ہونے اور دھند پڑنے کے باعث موسمیاتی بیماریوں میں اضافہ ہوگیا ہے اور میدانی علاقوں میں لوگوں میں نزلہ اور فلو عام ہورہا ہے اور دھند کے باعث سردی سے چھوٹے بچے کافی متاثر ہورہے ہیں
ماہرین صحت نے خبردار کیا ہے کہ دھند کے دوران شہری باہر نکلنے سے گریز کریں اور بالخصوص چھوٹے بچوں کو مناسب دیکھ بھال کی جائے تاکہ وہ دھند کے اثرات سے بچ سکیں ۔