اردو ورلڈ کینیڈا ( ویب نیوز)پاکستان تحریک انصاف کے چیئرمین اور سابق وزیراعظم عمران خان کی اہلیہ بشریٰ بی بی کی ایک اور مبینہ آڈیو لیک ہو گئی ۔یہ آڈیو  اس وقت سامنے آئی جب پی ٹی آئی چیئرمین عمران خان کی اہلیہ بشریٰ بی بی اور وزیر اعظم کے سابق معاون خصوصی زلفی بخاری کی گفتگو کا ایک مبینہ آڈیو کلپ سامنے آیا جس میں عالمی رہنماؤں کی جانب سے سابق وزیر اعظم کو تحفے میں دی گئی مہنگی کلائی گھڑیوں کی فروخت کے حوالے سے بات کی گئی۔

لیک ہونے والی آڈیو میں بشریٰ بی بی کو توشہ خانہ کے تحائف کی تصاویر لینے پر بنی گالہ کے ایڈمنسٹریٹر انعام خان سے بدتمیزی کرتے ہوئے سنا جا سکتا ہے اور ان سے اجازت نہ لینے پر ان پر  کوکوستے ہوئے سنا جا سکتا ہے۔

بشری بی بی کی مبینہ آڈیو لیک، بڑے راز فاش

اس سے قبل مبینہ آڈیو میں زلفی بخاری کو بشریٰ بی بی کو سلام کرتے ہوئے اور انہیں ’’مرشد‘‘ کہتے ہوئے سنا گیا تھا۔

جواب میں  وہ  ان کی خیریت پوچھتی  ہیں

انہیں یہ کہتے ہوئے بھی سنا جا سکتا ہے کہ ان کے پاس سابق وزیر اعظم کی کچھ گھڑیاں ہیں اور وہ چاہتی ہیں کہ وہ (بخاری) انہیں فروخت کریں کیونکہ وہ اب استعمال میں نہیں ہیں  جواب میں زلفی بخاری کہتے ہیں کہ وہ یہ بیچیں گے۔

یہ بھی پڑھیں ۔۔۔

آڈیو جعلی ہے، کوئی گھڑی لی نہ ہی بیچی ہے ، زلفی بخاری

بعد ازاں  ذوالفقار بخاری نے  بشریٰ بی بی کی مبینہ آڈیو لیک کو  جعلی” قرار دیتے ہوئے اس کے فرانزک تجزیہ کا مطالبہ کیا  تھا