اردو ورلڈ کینیڈا ( ویب نیوز ) بھارت کی مسلم دشمنی کی انتہا ، تعلیمی اداروں میں
حجاب پرپابندی کے بعد مودی کی مسلم دشمن حکومت اب حلال گوشت پر پابندی کا
بل لانے کی تیاری ۔
بھارتی میڈیا کے مطابق رواں سال مارچ میں ہندوؤں کے تہوار یوگادی کے موقع پر انتہا پسندوں نے
گوشت کی خرید و فروخت پر پابندی کا مطالبہ کیا تھا جس کے بعد سے باقاعدہ مہم چلائی جا رہی ہے۔
جس پر نام نہاد سیکولر جمہوریت کی دعویدار مودی حکومت نے حلال گوشت پر پابندی کے لیے قانون سازی
کے لیے کرناٹک میں بل لانے کا فیصلہ کیا ہے۔
ہندو انتہا پسند جماعتوں کو مطمئن کرنے اور ووٹ حاصل کرنے کی کوشش میں مودی حکومت نے چند دنوں میں
شروع ہونے والے اسمبلی اجلاس میں بل پیش کرنے کی خواہش ظاہر کی ہے۔حکمراں جماعت کے اس ارادے کو
بھانپتے ہوئے اپوزیشن جماعت کانگریس نے پارلیمنٹ میں اس بل کے خلاف سخت مزاحمت کا اعلان کیا جب کہ
مسلم جماعتوں نے بھی اس پر تنقید کی۔مطلق العنان بی جے پی نے اپوزیشن اور مسلم جماعتوں کے احتجاج کو
نظر انداز کرتے ہوئے بل پیش کرنے پر اپنے اصرار کا اشارہ دیا ہے جس سے کرناٹک میں ایک بار پھر تناؤ کا اندیشہ پیدا ہوگیا ہے۔
