اردوورلڈ کینیڈا ( ویب نیوز )وزیر اعظم جسٹن ٹروڈو کرسمس کے بعد جمیکا کے لیے اپنے اہل خانہ کے ساتھ ایک ہفتے کی چھٹیاں گزارنے کے لیے روانہ ہوں گے۔

وزیراعظم آفس کی جانب سے دی گئی معلومات کے مطابق اس دورے کے دوران ٹروڈو اوٹاوا سے مسلسل رابطے میں رہیں گے اور انہیں تمام معاملات سے مسلسل آگاہ کیا جائے گا۔
پی ایم او نے یہ بھی کہا ہے کہ انہوں نے سفر سے پہلے ہی اس سلسلے میں فیڈرل ایتھکس کمشنر سے رابطہ قائم کیا ہے تاکہ کسی بھی قسم کے رہنما خطوط کی خلاف ورزی نہ ہو۔
قابل ذکر بات یہ ہے کہ ٹروڈو کو 2017 میں بہاماس میں آغا خان کے نجی جزیرے پر چھٹیاں گزارنے کے لیے مفادات کے تصادم کی خلاف ورزیوں میں ملوث کیا گیا تھا۔