اردو ورلڈ کینیڈا ( ویب نیوز ) بھارت میں گزشتہ سال قتل ہونے والی لڑکی شردھا واکر کی ہڈیوں کی پوسٹ مارٹم رپورٹ سامنے آگئی ہے۔بھارتی میڈیا کے مطابق ملزم آفتاب پونے والا نے لڑکی کو قتل کرنے کے بعد لاش کے 35 ٹکڑے آری سے کیے ،اپنی گرل فرینڈ کو مار کر 35 ٹکڑے کرنے والے قاتل نے عدالت میں اعتراف جرم کرلیا۔

یہ بھی پڑھیں

کھانا دینے سے انکار ، شوہر نے بیوی کو موت کے گھاٹ اتار دیا

آفتاب پونے والا اعتراف جرم کے بعد جوڈیشل ریمانڈ پر ہے۔ملزم نے مئی میں اپنی دوست شردھا واکر کو قتل کر کے لاش کے 35 ٹکڑے کر کے فریج میں رکھے اور لاش کے ٹکڑوں کو 18 دن تک مختلف مقامات پر پھینکتا رہا۔ ایک اورواقعہ میں بھارت میں ایک وحشیانہ واقعے میں 9 سالہ بچے کو کالے جادو اور برائی کو ختم کرنے کے نام پر ذبح کر دیا گیا۔

بھارتی میڈیا کے مطابق قبائلی علاقے دادر نگر حویلی میں 9 سالہ بچے کو توہم پرستی اور جاہلانہ روایات کے پیروکاروں نے قتل کردیا۔ علاقے سے ایک سرکتی ہوئی لاش ملی جسے کئی ٹکڑوں میں کاٹ کر مختلف مقامات پر پھینک دیا گیا تھا ،کٹی ہوئی لاش نو سالہ بچے کی تھی۔

تفتیش کے دوران یہ بات سامنے آئی کہ معصوم بچے کو توہم پرستی کی نذر کر دیا گیا۔ پہلے بچے کو ذبح کیا گیا، پھر لاش کے ٹکڑے کیے گئے۔ پولیس نے بہیمانہ قتل کے الزام میں 3 افراد کو حراست میں لے لیا جن میں 14 سالہ لڑکا بھی شامل ہے جس نے مقتول کو قتل کرنے کا اعتراف کرلیا