341
اردو ورلڈ کینیڈا ( ویب نیوز )برطانوی شہری اور ایران میں سابق نائب علی رضا اکبری کو پھانسی دے دی گئی۔ایران کے سابق نائب وزیر دفاع کو جاسوسی کے الزام میں سزائے موت سنائی گئی۔
ایرانی عدلیہ کے مطابق علی رضا اکبری کو برطانیہ کے لیے جاسوسی کے الزام میں سزائے موت سنائی گئی، اس کے علاوہ علی رضا اکبری پر جوہری سائنسدان محسن فخر زادہ کے قتل میں کردار ادا کرنے کا بھی الزام تھا۔
غیر ملکی میڈیا کے مطابق علی رضا اکبری جو کہ سابق نائب وزیر دفاع بھی رہ چکے ہیں، کو 2019 میں گرفتار کیا گیا تھا اور بدھ کو سزائے موت سنائی گئی تھی۔غیر ملکی میڈیا کے مطابق برطانیہ نے علی رضا اکبری کی سزائے موت کو سیاسی محرک قرار دیتے ہوئے ان کی فوری رہائی کا مطالبہ کیا ہے۔
