اردو ورلڈ کینیڈا ( ویب نیوز ) افریقی ملک کانگو میں چرچ میں دھماکے کے نتیجے میں 5 افراد ہلاک اور 15 سے زائد زخمی ہو گئے۔ فوجی ترجمان کے مطابق یوگنڈا کی سرحد کے قریب واقع صوبے کاسینڈے کے مشرقی قصبے کانگولیس میں عیسائی چرچ پر اس وقت حملہ کیا گیا، جب لوگوں کی بڑی تعداد اتوار کی عبادت میں شرکت کر رہی تھی۔
فوجی ترجمان نے کہا کہ شبہ ہے کہ یہ حملہ یوگنڈا کے مسلح دہشت گرد گروپ الائیڈ ڈیموکریٹک فورسز (اے ڈی ایف) کے دہشت گردوں نے کیا ہے۔ غیر ملکی میڈیا کے مطابق مقامی منتظم کا کہنا ہے کہ یہ پہلا موقع نہیں ہے کہ کانگو میں داعش سے منسلک دہشت گرد گروپ کی جانب سے کارروائیاں کی گئی ہوں۔
ان کا کہنا تھا کہ چرچ پر حملے میں زخمی ہونے والوں کی حالت دیکھ کر لگتا ہے کہ ہلاکتوں کی تعداد 10 تک پہنچ سکتی ہے۔انہوں نے کہا کہ 1990 کی دہائی میں یوگنڈا میں قائم ہونے والی اے ڈی ایف نے صوبہ کسنڈی میں بہت پہلے اپنی کارروائیاں شروع کر دی تھیں اور بعد ازاں انہیں فوجی آپریشن کے ذریعے تباہ کرنے کے لیے کارروائیاں بھی کی گئیں۔
