اردو ورلڈ کینیڈا ( ویب نیوز )تحریک انصاف کے چیئرمین عمران خان کی زیرصدارت مشاورتی اجلاس ہوا جس میں شاہ محمود قریشی، اسد عمر، فرخ حبیب اور دیگر رہنما ئوں نے شرکت کی جب کہ سابق اراکین قومی اسمبلی کی بڑی تعداد بھی موجود تھی۔

ملاقات میں ملک کی مجموعی سیاسی صورتحال اور آئندہ کی سیاسی حکمت عملی پر تبادلہ خیال کیا گیا، اس کے علاوہ پنجاب اور کے پی کے کے عام انتخابات ملتوی کرنے کے حکومتی اقدامات پر بھی تبادلہ خیال کیا گیا۔

اجلاس میں تحریک انصاف کے سینئر رہنما فواد چوہدری کی گرفتاری پر بھی غور کیا گیا، اس موقع پر پی ٹی آئی کی جانب سے سپریم کورٹ میں عام انتخابات کے فوری انعقاد کے لیے دائر درخواستوں پر بھی غور کیا گیا۔