اردو ورلڈ کینیڈا ( ویب نیوز ) برطانیہ میں اساتذہ، ایمبولینس، ٹرین، بس اور بارڈر فورس کے ملازمین سمیت 124 سرکاری محکموں کے 500,000 کارکنوں نے ہڑتال کی اور تنخواہوں میں اضافے کا مطالبہ کیا۔

غیر ملکی میڈیا رپورٹس کے مطابق برطانیہ میں ہڑتالوں کا سیزن جاری ہے، اب اساتذہ، ایمبولینس، ٹرین، بس اور بارڈر فورس کے ملازمین سمیت 124 محکموں کے 5 لاکھ کارکن ہڑتال پر چلے گئے ہیں۔

مظاہرین حکومت سے تنخواہوں میں اضافے کا مطالبہ کر رہے ہیں۔ اطلاعات کے مطابق سرکاری ملازمین کی ہڑتال کے باعث برطانیہ بھر میں اسکول، یونیورسٹیاں، ٹرین اور بس سروس بری طرح متاثر ہے۔

رپورٹس کے مطابق، برطانیہ بھر میں 75 سے زائد احتجاجی ریلیاں نکالی گئیں، جن میں 400,000 سے زائد اساتذہ ہڑتال پر ہیں، تقریباً 85% اسکول اور 150 یونیورسٹیاں جزوی یا مکمل طور پر بند ہیں۔ملازمین کی یونین نے وارننگ جاری کرتے ہوئے کہا ہے کہ حکومت فنڈز کا بندوبست کرے ورنہ ہڑتال اور دیگر اقدامات کیے جا سکتے ہیں۔