اردو ورلڈ کینیڈا ( ویب نیوز)الیکشن کمیشن آف پاکستان نے قومی اسمبلی کی 31 خالی نشستوں پر ضمنی انتخابات کا شیڈول جاری کردیا جس کے بعد مذکورہ حلقوں میں پولنگ 19 مارچ 2023 کو ہوگی۔

الیکشن کمیشن کے شیڈول کے مطابق امیدوار 10 سے 14 فروری تک کاغذات نامزدگی جمع کرا سکیں گے جس کے بعد 15 فروری کو امیدواروں کی فہرست آویزاں کی جائے گی۔

بعد ازاں 18 فروری کو امیدواروں کی جانچ پڑتال کی جائے گی جس کے بعد امیدوار یکم مارچ تک اپنے کاغذات نامزدگی واپس لے سکیں گے جس کے بعد 2 مارچ کو امیدواروں کو نشانات الاٹ کیے جائیں گے۔

الیکشن کمیشن کی جانب سے جاری نوٹیفکیشن کے مطابق این اے 2 سوات، این اے 3 سوات، این اے 5، 6، 7 لوئر دیر، این اے 8 مالاکنڈ، این اے 9 بونیر، این اے 16 ایبٹ آباد، این اے 19 صوابی۔ این اے 20 مردان، این اے 28 پشاور، این اے 30 پشاور، این اے 34 کرک، این اے 40 باجوڑ، این اے 42 مہمند، این اے 44 خیبر میں 19 مارچ کو ضمنی انتخابات ہوں گے۔

عمران خان ضمنی الیکشن میں حصہ نہیں لیں گے ،سابق ارکان اسمبلی کو انتخاب لڑنے کی ہدایت  کردی

الیکشن کمیشن کے مطابق این اے 61 راولپنڈی، این اے 70 گجرات، این اے 87 حافظ آباد، این اے 93 خوشاب، این اے 96 میانوالی، این اے 107 فیصل آباد، این اے 109 فیصل آباد میں ضمنی انتخابات ہوں گے۔ . این اے 135 لاہور، این اے 150 خانیوال، این اے 152 خانیوال میں ضمنی انتخابات ہوں گے، این اے 158 ملتان، این اے 164، این اے 165 وہاڑی میں ضمنی
انتخابات ہوں گے، این اے 177 رحیم یار خان، این اے 187 لیہ میں بھی ضمنی انتخابات ہوں گے

واضح رہے کہ پی ڈی ایم نے ضمنی انتخابات میں حصہ نہ لینے کا فیصلہ کیا ہے جب کہ اس سے قبل پی ٹی آئی نے اعلان کیا تھا کہ عمران خان خالی ہونے والے تمام حلقوں سے الیکشن لڑیں گے تاہم موجودہ صورتحال کے بعد چیئرمین پی ٹی آئی نے سابق امیدواروں کو ہدایت کی ہے کہ وہ ضمنی انتخابات میں حصہ لیں اپنے کاغذات نامزدگی جمع کرائیں اور بھرپور طریقے سے الیکشن میں حصہ لیں۔