217
اردو ورلڈ کینیڈا ( ویب نیوز)بھارتی پروڈیوسر رونی اسکریو والا نے دعویٰ کیا ہے کہ شاہ رخ خان کی فلم ’پٹھان‘ تمام تر کامیابیوں کے باوجود ’دنگل‘ کا ریکارڈ نہیں توڑ سکتی۔
فلم نقاد ترن آدرش نے گزشتہ ہفتے پیش گوئی کی تھی کہ ‘پٹھان عامر خان کی ‘دنگل کو پیچھے چھوڑ کر ہندی سنیما میں سب سے زیادہ کمائی کرنے والی فلم بن جائے گی۔
رونی اسکریو والا نے ترن آدرش کے ٹویٹ پر لکھا کہ ہمیں اعداد و شمار کے بارے میں واضح ہونا چاہیے، ‘دنگل ہندی سنیما کی عالمی سطح پر سب سے زیادہ کمائی کرنے والی فلم رہے گی۔
انہوں نے کہا کہ ‘دنگل نے صرف چین میں 1200 کروڑ ہندوستانی روپے سے زیادہ کا کام کیا ہے، اس لیے ہمیں ریکارڈ کو سیدھا رکھنا چاہیے۔
شاہ رخ خان کے مداحوں کو رونی کی ٹوئٹ پسند نہیں آئی اور اسے پروڈیوسر کی ‘پٹھان کی جلن قرار دیا۔
رونی اسکریو والا نے ہندوستانی فلم انڈسٹری میں مشہور فلمیں پروڈیوس کی ہیں جن میں ‘چنائی ایکسپریس اور ‘دھماکا شامل ہیں۔
