اردوورلڈکینیڈا( ویب نیوز )بالی ووڈ سپر اسٹار سلمان خان کی نئی فلم ‘کسی کا بھائی، کسی کی جان کا پہلا نیا گانا ‘ جاری کر دیا گیا ہے فلم کا پہلا گانا بگ باس 16 کے گرینڈ فائنل میں ریلیز کیا گیا جب کہ فلم عید کے موقع پر سینما گھروں کی زینت بنے گی۔

اس گانے کی شوٹنگ لداخ اور لیہہ کے خوبصورت مقامات پر کی گئی ہے اور اس میں سلمان خان اور پوجا ہیگڈے کی شاندار پرفارمنس پیش کی گئی ہے۔
گانے کو ہمیش ریشمیاں نے کمپوز کیا جبکہ شبیر احمد نے اس کے بول لکھے، کمال خان اور پلک مچھل نے اسے اپنی عمدہ آواز میں گایا۔
فرہاد سمجی کی ہدایت کاری میں بننے والی اس فلم کو سلمان خان فلم پروڈکشن نے پروڈیوس کیا ہے اور اس فلم میں بالی ووڈ ایکشن، رومانس اور ڈرامہ کا امتزاج ہے۔
واضح رہے کہ فلم ‘کسی کا بھائی، کسی کی جان رواں سال عید کے موقع پر دنیا بھر میں ریلیز کی جائے گی۔