اردو ورلڈ کینیڈا ( ویب نیوز)پاکستان تحریک انصاف کے چیئرمین عمران خان نے کہا کہ جیل جانا تحریک مزاحمت کا جمہوری طریقہ ہے، ملک بھر سے کارکنان رضاکارانہ گرفتاریاں دیں گے۔

سابق وزیراعظم عمران خان نے کالم نگاروں سے گفتگو کرتے ہوئے کہا کہ غیر قانونی ٹیپ کے ذریعے عدلیہ پر دباؤ ڈالنے کی کوشش کی جا رہی ہے، ہمارے لوگوں کو بلا جواز گرفتار کیا جا رہا ہے، امپورٹڈ حکومت کا فاشزم کسی صورت قبول نہیں، قوم کے تعاون سے لاقانونیت اور معاشی تباہی کا راستہ روکیں گے۔
چیئرمین پاکستان تحریک انصاف نے کہا کہ قمر باجوہ نے حلف کی خلاف ورزی کی اور تسلیم کیا کہ نیب ان کے زیر اثر ہے جو کہ غیر قانونی اقدام ہے۔
انہوں نے مزید کہا کہ عدلیہ بالخصوص ججز کے خلاف گھٹیا پروپیگنڈا مہم شرمناک ہے۔ مسلم لیگ (ن) کی عدلیہ پر حملے کی تاریخ رہی ہے ججوں کو دباؤ کی پرواہ کیے بغیر آئین اور قانون کو برقرار رکھنا چاہیے۔
چیئرمین پاکستان تحریک انصاف نے کہا کہ ہمارے لوگوں پر مقدمات بنائے جا رہے ہیں، بغیر جواز گرفتار کیا جا رہا ہے، ڈاکٹر نے مجھے چلنے سے روکا، پھر بھی مجھے عدالتوں میں بلایا جا رہا ہے، ہم امپورٹڈ کا فاشزم قبول نہیں کریں گے

سابق وزیراعظم عمران خان کا مزید کہنا تھا کہ اتحادیوں کی جانب سے سیاسی انتقام اور سیاسی آمریت کو پروان چڑھایا جا رہا ہے۔ یہ کیا ہے، پارلیمنٹ میں نیا فنانس بل ملک میں مہنگائی کا طوفان لے آئے گا۔
عمران خان نے کہا کہ ہمارے دور حکومت میں معاشی اشاریے مثبت تھے،