اردو ورلڈ کینیڈا ( ویب نیوز )مسلم لیگ  ن کے سینئر رہنما اور وزیر دفاع خواجہ آصف نے کہا ہے کہ اسٹیبلشمنٹ کے وینٹی لیٹر کے بغیر عمران خان کی کوئی سیاست نہیں

اسلام آباد میں پریس کانفرنس کرتے ہوئے خواجہ آصف نے کہا کہ عمران خان نے چند دنوں سے ڈرامہ شروع کر رکھا ہے، 75 سال میں کسی ملزم نے عدالتوں میں پیش ہونے سے انکار نہیں کیا۔

عمران خان پر تنقید کرتے ہوئے خواجہ آصف نے کہا کہ یہ شخص اپنے حواریوں کو اسٹیبلشمنٹ کے خلاف احتجاج پر اکساتا ہے، اس شخص کا سیاست سے کوئی تعلق نہیں، اسٹیبلشمنٹ کے وینٹی لیٹر کے بغیر اس کی کوئی سیاست نہیں

رہنما مسلم لیگ ن کا کہنا تھا کہ عمران خان بھول جاتے ہیں کہ پلاسٹر سیدھی ٹانگ پر لگانا ہے یا الٹی ٹانگ پر۔ عدالت حکم دے تو عمران خان کو گرفتار کیا جائے  جلدی نہیں، ان کو زندگی کے لوازمات جیل میں بھی مل جائیں گے۔

خواجہ آصف نے کہا کہ عمران خان کا سیاسی دور آنے والا ہے، ثاقب نثار نے یہ بھی کہا کہ ہم نے سو فیصد صادق اور امین نہیں کہا۔