اردو ورلڈ کینیڈا ( ویب نیوز ) امریکہ نے پاکستان کے سیلاب سے متاثرہ اضلاع کے مزید 500 طلباء کے لیے وظائف کا اعلان کیا ہے۔

امریکہ کے محکمہ خارجہ کے ترجمان نیڈ پرائس کے مطابق مزید 500 طلباء کے لیے وظائف کا اعلان پاکستان میں امریکی سفیر ڈونلڈ بلوم نے کیا۔

یہ بھی پڑھیں

 پاکستان کےمعاشی چیلنجز سے آگاہ ہیں ، ہر ممکن مدد کریںگے ،امریکی محکمہ خارجہ 

نیڈ پرائس نے بریفنگ دیتے ہوئے کہا کہ ڈونلڈ بلوم نے یہ اعلان اسلام آباد میں خواتین کے عالمی دن کے موقع پر ایک اعلیٰ تعلیمی تقریب میں کیا۔

امریکی محکمہ خارجہ کے ترجمان کا کہنا ہے کہ اسکالرشپ سے مالی طور پر کمزور طلبہ کو پاکستان کی اعلیٰ یونیورسٹیوں میں پڑھنے میں مدد ملے گی۔

مزید پڑھیں

پاکستان کو سیلاب کے بعد امداد کی مزید ضرورت ہے، امریکی محکمہ خارجہ

نیڈ پرائس کے مطابق اسکالرشپ پروگرام کے تحت امریکہ ہائر ایجوکیشن کے تعاون سے 6000 سے زائد وظائف دیے گئے ہیں، 60 فیصد وظائف خواتین کو اعلیٰ تعلیم کے لیے دیے گئے۔